Chin Falam

KAN THILTUAHMI HMANGTU MI DANGDANG

Kan thiltuahmi hmangtu mi dangdang thawi pehtlaihawknak

Mirang silo ih ttong dang hmang pawl hrangah WaterCare thuhla zohthei dingin a hnuai lam pawl ah rak hmet aw:

Greek, Arabic, Cantonese, Mandarin, Burmese (Ttong phunnga 5 – Karen, Chin Hakha, Chin Falam, Zomi & Mizo), Vietnamese, Hindi, Assyrian, Dari, Nepali, Persian, Somali, Sudanese Arabic, Turkish le Italian

 

WATERCARE THUHLA

Na Tidai Bill kan lo kilkhawi sak thei

Na tidai hmannak le tidai sia hlonnak bill pawl pe dingin bawm na ttul maw? Felfai teih na peksal theinak ding hrangih lo bawmtu ding ah WaterCare cu tuah mi a si.

Tu ah le hmailam caan ih na tidai le lihawng hmannak bill pawl pe thei dingin Yarra Valley Water ih hmalaknak thawi tuah mi, WaterCare ihsin mibawm theinak thuhla pawl in a lo bawm ve thei a si. Na hrang ih remcangbik mi thuhla rak hawl aw.

Yarra Valley Water ahcun, na inn sang ih na hmanmi bill pawl ih a man an kai ruangih na tuarmi pawl kan lo theihthiam pi a si. WaterCare kan tuahnak san bik khal himi ruangah a si.

Kan mi bawm theinak thuhla pawl cu hmunkhat ah kan funkhawm, olai te in nah rang ih ramcang bik mi hrilin na tidai bill pawl na duhdan ih na uksal theinak dingah a si.

Na cinfelawk theinak lam zin kan hawl

Inn ih nang mahte na caan awl ah WaterCare thuhla pawl rak zingzoi ve dingin a hnui ih links pawl ah rak hmet ve aw. Ziangvekin mi kan bawm thei timi in a lo mangbang ter thei ding.

Na si maw:

  • Lei ba nei?
  • Na tidai bill timal dingih lamzin hawl?
  • Man tthumnak co thei ding mi?
  • Na tidai bill enkawl awk thei dingih bawmnak hawl tu?

Na hmanmi Mirang a silo pang maw? Ttong phun dangdang khalin na hrangih thabik thuhla tifelnak na hawl thei a si.


SUMPEKNAK PHUNPHUN

Tlunsang ih umsal dingin kan lo bawm 

Na tidai bill le lihawng bill pawl pektheinak ding hrangih ruahmannak felfai nei ding na ttul maw? Nangmah thawi remcang bik mi rak rak hawl aw:
  • Na bill pawl a mah le mah te ih pek awk ter na duh maw?
  • Thlathum veikhat ih na ngahmi bill peknak ding hrang caan na ttul bet maw?
  • A ceuhceuh tei’ pek ding teh na duh sawn maw?
  • Centrelink ihsin na ngahding na ngah maw?
Yarra Valley Wate website khal ah na va leng thei.

Buainak na nei lai thotho maw? Kan hnattuantu pawl hnenah rak biak aw

Kan Thiltuahmi Hmangtu Hrang Bawmtu pawl cu nangmah lo bawm tu ding an si. Mi tin hin an kiangkap thilthleng ruangah an nuntu khawsaknak khal a thlengaw thei a si timi khal kan theithiam – sumpai ih harsatnak khal hi mi ruangah a thlen phah thei ti khal kan theithiam fawn. Thuthup thluh dingmi biakawknak phone 1800 637 316 ihsin tuisun ah rak ko aw.

Sumhman rikhiahnak Bawmtu

Na Bank Sumpai Zuhsaknak

Na bank ihsin na tidai bil hmannak sumpai a mahte ih rak pe aw dingin, mahte sumpai zuhsaknak (Direct Debit) na tuahthei ih, caan heu lo le olsam zet a si fawn. Thlathum veikhat lole a ceuhceuh te ih pe dingin na hril thei. Na thei ding mi ih thupi pakhat cu hi mah te sumpai zuhawknak (Direct Debit) cu na hman mi bank lole sumcawinak union pakhat account thawn an zomawk tengteng ding a ttul mi a si. Sumpai cawinak Card (Credit Card) cu pom a si lo.

Sumpeknak Caan tisausak

Sumpeknak thu ih na harsatnak hi reilote-camkhat hrang lawng a si maw? Harloten thlathum veikhat pe dingih sumpeknak caan tisaunak rak dil aw.

Na diltheinak ding ah, Anlo hminsinnak nambat thawn hinah rak ko aw 1300 362 332.

 

SmoothPay

Na sumpeknak nangmah kaihin ruahhman aw

SmoothPay cu Yarra Valley Water ih sumpaipeknak le sumpaihmansuahnak hrang hmarua pakhat a siih, zarhhnih veikhat lole thlatin na tidai bill na pek cingcing theinak khi a si. Thlatin mal tete in vei tampi kumkhat hrang na pe thei ding tinak khal a siih na innsang hrangih sumpaihmansuahnak lo hngawngtu timalnak ding hrang khal a si.

Na Tidai bill ukthei dingin kan lo ret ding

SmoothPay ih sungtel luhnak hi a rangbik, olsambik le alak a siih kumkhat sungih an lo kuanter dingmi ihsin bet mi zianghman a um bet nawn lo.

Na dilnak ding cu, Olaiten;

  • Kan Thiltuahmi Hmangtu Thuruahrontu pawl na pehtlai thei hinah 1800 994 789
  • Zarhhnih veikhat ole thlatin pe dingin na hril thei
  • Mahte sumpai zuhsaknak (direct debit) sumcawinak card (credit card) lole BPAY timi hrilin na pe thei

Hi hmuahhmuah na ril hnu khlah, a cancan ahcun ralring zet ih kan tuah mi sumpai hmandingzat hrang ih kan ruahman mi khal thlathum veikhat bill a rat tikah mi a rak ti harsa thei – vei le khat ih a pek can an rak bang awk tik ah a hleice in a si theu.

 

MAN TTHUMNAK

Man tthumnak cards na neih miin an lo bawm thei

Kum upa ruang ih cawlhnak pension lole man tthumnak card (concession card) kaitu na si maw? Na rak nei ahcun na umnak hmun inn ih zirin na tidai bill le lihawng bill hrangah man tthumnak covo neitu tla na rak si thei a si.

Ngah theidingin ka tlak maw?

Ngahtheitu card pawl tla cu:

  • Centrelink Pension Concession Card
  • Centrelink Health Care Card
  • Department of Veterans’ Affairs Pension Concession Card or a Department of Veterans’ Affairs Gold Repatriation Health Card for All Conditions.

Na rak tling a si ahcun, Yarra Valley Water an lo hminsinnak ihsin man tthumsak ding dil dingin hinah hmet aw. 1300 304 688 khalah na rak ko thei ih, na neih mi card kha ralringin keng cia aw.

Concession card na rak neilo nan, man tthumnak ngah ding ih na ruat awk ahcun hinah rak pehtlai aw:

  • Centrelink - T: 13 1021
  • Department of Veteran's Affairs - T: 03 9284 6000

Ziangvek ih hlawknak pawl himi concession card ah a um?

Kumkhat hragih pek ding mi Tidai le lihawng bill man ah man tthumnak hin pia 50 a lo tiniam sak ding a si. 2018/19 ahcun $320.90 a si ding tinak a si.

Tahtthimnak ah na lo kuanter mi cu na hman mi pakhat parlawng ah rak siin, tidai man lawng sibang ta sehla pia 50 an lo niamsak ahcun a tambik $160.45 na ngah ding tinak a si.

Ziangtin na inn umnak ih tidai le ti dai hmanzomi hlonnak pawl na siar thei ding